САНГИЙН САЙД Ч.ХҮРЭЛБААТАР АНУ-ААС МОНГОЛ УЛСАД СУУГАА ЭЛЧИН САЙДЫГ ХҮЛЭЭН АВЧ УУЛЗАВ

Мэдээлэл нийтлэсэн: Сангийн яам

Нийтлэсэн огноо: 2020 оны 07 сарын 22


Сангийн сайд Ч.Хүрэлбаатар 2020 оны 7 дугаар сарын 22-ны өдөр Америкийн Нэгдсэн Улсаас Монгол Улсад суугаа Элчин сайд ноён Майкл Клеческиг хүлээн авч уулзлаа.

Элчин сайд Майкл Клечески Сайд Ч.Хүрэлбаатарт Монгол Улсын Их Хурлын гишүүнээр дахин сонгогдон, Сангийн сайдаар улиран томилогдсонд баяр хүргэхийн ялдамд хоёр улсын хамтын ажиллагааг улам өргөжүүлэн, нягт хамтран ажиллахаа илэрхийлэв.

Сангийн сайд Ч.Хүрэлбаатар шинэ Засгийн газрын үйл ажиллагааны хөтөлбөр, цаашид баримтлах бодлого чиглэлийн тухай товч танилцуулж, КОВИД-19 цар тахлын улмаас эдийн засагт тулгарч буй хүндрэлийг бууруулах, арилгахад Засгийн газраас авч буй арга хэмжээний талаар ярилцлаа.

 


Мэдээ, мэдээлэл





















САНГИЙН ЯАМ © 2020 он