Мэдээлэл нийтлэсэн: Сангийн яам
Нийтлэсэн огноо: 2019 оны 12 сарын 09
Монгол Улсын Сангийн яамны Төрийн нарийн бичгийн дарга С.Наранцогт өнөөдөр (2019.12.09) Бүгд Найрамдах Франц Улсын Бээжин дэх Элчин сайдын яамны Монгол Улсыг хариуцсан бүс нутгийн эдийн засгийн хэлтсийн даргаар томилогдсон Жан-Марк Фэнэ, тус улсаас Монгол Улсад суугаа Элчин сайд Филипп Мэрлин нарыг хүлээн авч уулзлаа.
Уулзалтаар Монгол Улсын эдийн засгийн өнөөгийн байдал, хоёр орны хоорондох худалдаа, хөрөнгө оруулалт, хамтран хэрэгжүүлэхээр төлөвлөж буй төсөл хөтөлбөрүүдийн талаар санал солилцож, 2020 оны төсвийн талаар ярилцлаа.
