Мэдээлэл нийтлэсэн: Сангийн яам - admin
Нийтлэсэн огноо: 2022 оны 10 сарын 26
Азийн Дэд бүтцийн хөрөнгө оруулалтын банк /АДБХОБ/-ны долоо дахь удаагийн жилийн уулзалт 2022 оны 10 дугаар сарын 26-ны өдөр цахимаар зохион байгуулагдаж, Монгол Улсын Сангийн сайд Б.Жавхлан даргалагчаар оролцлоо. Энэ жилийн уулзалтын “Захирлуудын зөвлөлийн хурал”-д Монгол Улс анх удаа даргалагч орноор сонгогдон оролцсон бөгөөд тус банкны үүсгэн байгуулагч анхны 50 орны нэг юм.
АДБХОБ нь Ази бүсийн улс орнуудын дэд бүтцийн салбарт тулгарч буй хөрөнгө, санхүүгийн эх үүсвэрийн асуудлыг шийдвэрлэх, зөв зохистой хуваарилж бүс нутгийн хөгжилд түлхэц болохуйц хэмжээнд үйл ажиллагаа явуулдаг Азийн олон улсын томоохон санхүүгийн байгууллага юм.
Долоо дахь удаагийн жилийн уулзалтад гишүүн 41 орны Сангийн сайд болон Төв банкны ерөнхийлөгчид, бусад 93 орны төлөөлөгчид ажиглагчийн байр сууринаас оролцож макро эдийн засгийн өнөөгийн байдал болон цар тахлын дараах тулгарч буй хүндрэл бэрхшээлийн талаар санал солилцов.
